Pages

Tuesday, January 10, 2012

புயல் நல்லது - மொக்கை பதிவு


என்னுடைய---இன்றைய மற்றும் ஒரு பதிவு....


செல்ல இங்கு கிளிக் பண்ணவும்....


அன்பர்களே.....

மிகுந்த சிரமத்துக்கு இடையில் நேற்று மாலை மின்சாரம். ஒரு வழியாக கிடைக்க பெற்றேன். கற்காலத்தில் இருந்த என்னை, அன்புடன் தொலைபேசி மற்றும் மெயில் முலமாக விசாரித்த அனைத்து நண்பர்களுக்கும் நன்றி. பெயர்  குறிப்பிட்டு சொன்னால் அதுவே ஒரு நீண்ட பதிவாகிவிடும்.

உண்மைதாங்க இந்த பதிவுலகத்தில் என்னை விசாரிக்க இவ்வளவு நண்பர்களா....???

அப்படி நான் என்ன கிழித்துவிட்டேன். ஒன்றுமே இல்லை.என்னினும் உங்கள் அன்பு என்னை கண் கலங்க வைத்தது உண்மை.மீண்டும் மீண்டும் மீண்டும் என் மேல் அன்பு கொண்ட அன்பு உள்ளங்களுக்கு நன்றி.....நன்றி ...நன்றி...!!!!!!

நாம வழக்கம் போல் மொக்கை என்னும் படு மோசமான பதிவுக்கு செல்வோமா ???

நான் ஆரம்பித்திலேயே சொல்லிடறேன்...இந்த பதிவு யாரையும் மனசில் வைத்து எழுதபடலை.நான் யாரையும் நக்கல்,கிண்டல் பண்ணவும் இல்லை.
சும்மா ஜாலி-யா எழுத நினைத்து எழுதுகிறேன். இது சத்தியம். சத்தியம். சத்தியம்.

நாட்டுல எவ்வளவோ பிரச்சனைங்க, அதுல பாருங்க.

1) யாருக்கும் முச்சு விட சுத்தமான காத்தே கிடைக்கலை. இதுக்குதாங்க இயற்கைக்கு ரோம்ப கவலை வந்துடுச்சு. உடனே யோசித்து ( ரூம் போட்டு ) கடல்-ல உள்ள நல்ல சுத்தமான காற்றை எங்களை மாதிரி ரோம்ப புண்ணியம் செஞ்சவங்க இருக்குற இடத்துக்கு கொடுத்துச்சி.

2) அடுத்து அவன்னவன் இந்த ஈர்ஏழு உலகத்திலும் இல்லாத விலை மதிப்பற்ற(!!!)அரிசியை தின்னுட்டு பெருசு கொடுத்த டி.வி-ல படம்,சீரியல் பார்த்துக்கிட்டு உடல் உழைப்பு இல்லாமல் சும்மாவே இருக்கானுக. இதுக்கு தாங்க தானே புயல் வைச்சுது ஆப்பு. இப்ப பாருங்க குடிதண்ணிக்கே எப்படி அலையுரனுக. இதுக்கே இப்படினா "அதுக்கு" தண்ணிக்கு எவ்வளவு அலையனும் ???

3) அப்புறம் இந்த கர்போன் ரேட்டிங்காம் இல்ல. இது எவ்வளவு பசுமையா இருக்கோ அந்த அளவுக்கு ஏதோ POINTS,காசம்ல. இதை வச்சி பெரிய ஆட்கள் எல்லாம் நிறைய சம்பாதிக்கிறாங்களாம். அதான் மத்தவங்களோட பசுமையில் அவன் என்ன காசு பாக்குறது. புடுங்கி எறி எல்லாத்தையும்-னு புயல் புடுங்கி போட்டுடுச்சி.

4) பெண்கள்--நவீன சமையல் இயந்திரத்தால--எந்த வித உடல் சார்ந்த உழைப்பும் இல்லாம உடம்பை கெடுத்துக்கிட்டு..நிறைய மருத்துவத்துக்கு செலவு பண்றாங்களாம். நம்ம பாண்டி,,கடலூர் மாவட்ட பெண்கள் மேல் எவ்வளவு அக்கறை இந்த புயலுக்கு....பாருங்க...எல்லா பெண்களையும் உடல் சார்ந்த வேலை செய்ய வைத்து மருத்துவ செலவை மிச்சம் பண்ணி இருக்கு....

5) இந்த கற்காலம் கற்காலம்னு இந்த பள்ளிக்கூடத்து பசங்க வரலாற்றுல
படிச்சி மறந்துடுதுங்க. வரலாறு மிக முக்கியம். அதை மாணவர்கள் மறக்கலாமா??? அதான் எல்லா மாணவர்களையும் கற்காலத்துக்கு தானே புயல் அழைத்து சென்றது...இனி மாணவர்கள் வரலாற்றை மறப்பார்களா ???

6) ஏற்கெனவே இன்னொரு பதிவு போட்டுவிட்டதால் மிக நீண்ட இரண்டு பதிவுகளை படிக்க உங்களுக்கு மிகுந்த ஆயாசமாக இருக்கும் என்பதால். இரண்டுக்கும் கமெண்ட் போடவேண்டிய கட்டாயம் உங்களுக்கு இருப்பதால். இந்த மாதிரி, இந்த மாதிரி-னு நீங்களே யோசித்து நிறைய POINTS FILL UP பண்ணிக்குங்க. நான் மேலும் இரண்டு பாயிண்ட் சொல்லிட்டு இந்த பதிவை முடிச்சுக்கிறேன்.

பாயிண்ட் நெம்பர் இல்லை. ஏன்னா நீங்க ரோம்ப புத்திசாலி.எத்தனை பாயிண்ட் யோசிப்பீங்கன்னு கணக்கே இல்லை.பெரிய ஐயா,,சின்ன ஐயா-னு இரண்டு பேர் இருக்காங்க. இவங்களுக்கு ஒரு கட்சி இருந்துச்சி (!)  அந்த கட்சிக்கு "மரம்வெட்டி கட்சி"-னு பேர் இருந்துச்சி. நம்மளைவிட யாருயா அம்மாம் பெரிய அப்பாடக்கர்னு இயற்கைக்கு வந்துச்சி பாருங்க கோபபபபபம்.

எல்லா மரம்,,மின்சார கம்பம்--எல்லாத்தையும் புடுங்கி போட்டுடுச்சி. இனி யாரவது அந்த கட்சியை மரம்வெட்டி கட்சி-னு சொல்லுவீங்க?????

அப்புறம் பசுமை புரட்சினு எல்லா பெருசு, சிறுசு, காவி வெட்டி கட்டுனவங்க,இன்னும் இன்னிக்கு முளைத்த காளான்கள் எல்லாம் மர கன்றுகளை கைல வச்சிக்கிட்டு நட இடம் இல்லாம லோலோ-னு அலையுறாங்க. அந்த மர கன்றுகள் எல்லாம் காஞ்சி செத்துபோரத பார்த்த
இயற்கை. அவற்றை நட இடம் பார்த்து கொடுத்துருக்கு.

அடுத்து ...

இந்த நாய் நக்ஸ்னு ஒருத்தன் இருக்கான்யா.பதிவுன்னு போட்டு கொலையா கொல்லுரான்யா.அப்படின்னு நீங்க புலம்புன புலம்பல் இயற்கைக்கு கேட்டுடுச்சி. அதான் பாருங்க. என்னை மட்டும் தாக்கவேண்டிய புயல் அது முடியாம, என் மேல் உள்ள கோபத்தை காட்ட ( நான் ரொம்ப நல்லவன், சத்தியவான், உத்தமன் இன்னும் என்னன்னவோ.... )

நான் இருக்கும் மாவட்டத்தையே காலி பண்ணிடுச்சி.....


நீதி :-நல்லவர்களை அழிக்க நினைத்தால் உலகம் அழியும்.....


அனைவருக்கும் ....

இனிய புத்தாண்டு வாழ்த்துக்கள் மற்றும் இனிய பொங்கல் தின சிறப்பு வாழ்த்துக்கள்.....

கடலூர்-ஐ புரட்டி போட்ட தானே புயல்--சீரியஸ் பதிவு ....


என்னுடைய இன்றைய மற்றும் ஒரு பதிவு....


செல்ல இங்கு கிளிக் பண்ணவும்....

அன்பர்களே .....

கடலூர் மாவட்டம் எத்துனையோ சோதனைகளை சந்தித்துள்ளது. சுனாமி, கடும் வெள்ளம், தொடர் கடும் மழை. இப்படி எத்துனையோ ஆனால் இந்த முறை வந்த தானே புயல், கடலூர் மாவட்டம்,பாண்டி,மற்றும் அதனை சுத்தி உள்ள இடங்களை கபளீகரம் செய்துவிட்டது.  

சென்ற வியாழன் இரவு (29/12/11) லேசாக ஆரம்பித்த காற்று,  நள்ளிரவில் கடுமையாக வீச ஆரம்பித்தது.மறுநாள் வெள்ளி மதியம் வரை புயல் கோரத்தாண்டவம் ஆடியது. லேசான காற்று அடிக்கும்போதே மின்சாரம் தடை பட்டது.  அப்போது ஆரம்பித்த மக்களின் வாழ்வாதார பிரச்சனை
இன்னும் தொடர்கிறது. 


புயல் அடித்த பிறகு நான் சிதம்பரத்தை விட்டு எங்கும் செல்லவில்லை. ஆனால் ஞாயிறு (8௦/௦1/12) அன்று பாண்டி வரை சென்றேன். ஒன்பது நாட்கள் கழித்து நான் சென்ற பாதையில் நான் கண்ட காட்சிகள் உங்களுக்காக. மொபைல், மற்றும் காரில் சென்று கொண்டிருந்தபோது எடுத்த படங்கள்.
சுமாராக தான் இருக்கும்.  அட்ஜஸ்ட் பண்ணிகொள்ளுங்கள். 

நான் சென்ற பாதை சிதம்பரம் TO கடலூர், கடலூர் TO பாகூர், கரிசாலம்பக்கம்,  உருவையாறு, வில்லியனூர் வரை . இந்த பாதை பாண்டியின் உள்கிராமம் வழி 
மீண்டும் வில்லியனூரில் இருந்து சிதம்பரம் திரும்பி வரும்போது எடுத்த படங்கள் .
























இது வரை பார்த்த படங்கள்.  உங்களுக்கு சுமாராகதான் புயலை காட்டியது....
அடுத்த இரண்டு படங்களை பாருங்கள். ஒரு இரும்பு போஸ்ட் எப்படி முறுக்கிக்கொண்டு இருக்கிறது என்று. மேலும் தென்னைமரம் எப்படி பறந்து வந்து விழுந்திருக்கிறது என்று . இந்த அளவுக்கு முறுக்கு விழ எப்படி காற்று அடித்திருக்கவேண்டும் ?






அடுத்து கடலூர்,  இது ABT மாருதி டீலர். SHOWROOM .முழுவதும் 15 MM கண்ணாடியால் கட்டப்பட்டது. ஒரு கண்ணடி கூட மிஞ்சவில்லை.





பொதுவாக கடலூரில் இருந்து சிதம்பரம் நோக்கி செல்பவர்கள் சிப்காட் அருகில் உள்ள காடு மாதிரியான இடத்தை பார்த்தவுடன் கண்டிப்பாக வண்டியை நிறுத்தி ஓய்வு எடுப்பார்கள் ...அப்படிப்பட்ட ரம்மியமான இடம். இது பெரிய பெரிய மரங்கள்... மரங்கள் ... மரங்கள் ....  வெளிச்சமே தெரியாது,  அப்படியே அமேசான் காட்டுக்குள் போன மாதிரி இருக்கும் . அந்த இடம் இப்போது இப்படி









அடுத்து தென்னை மரதொப்பு. இங்கும் காரில் பயணிப்பவர்கள் ஓய்வு எடுப்பார்கள்....







அன்பர்களே இது நான் சென்ற வழியில் எடுத்தது. இதை விட மோசமான
பதிப்புகள் கடலூர் மாவட்டத்தில் உள்ள பண்ருட்டியில் இங்கு உள்ள மக்களின் வருவாயே பலாபழம் மற்றும் முந்திரி மட்டுமே.  இந்த சீசன் உள்ள முன்று மாதங்கள் மட்டுமே இவர்களுக்கு வருவாய். இதை வைத்து தான் மீதி உள்ள மாதங்களை ஒட்டவேண்டும்.

பண்ருட்டி மற்றும் சுத்தி உள்ள பகுதியை ஒரு டாப் வியு பார்த்தால் பச்சை, பச்சை, பச்சை.....  இன்று அவை எல்லாம் அடியோடு அழிந்துவிட்டது. இனி சோத்துக்கு ....?????????????????????????????????????????

அடுத்து மத்திய சிறை உள்ள கேப்பர்குவாரி மலை....இந்த ஏரியா முழுவதும் வாழை, மற்றும் பண பயிர்கள் மட்டுமே . இந்த பகுதி முழுவதும் அடியோடு நாசம்....

மரம் வெட்டி அப்புறபடுத்த ஆள் கிடைக்கவில்லை. கிடைத்தாலும் ஒரு ஆளுக்கு ஒரு நாள் கூலி மட்டுமே 1000 ருபாய்.மரம் வெட்ட தேவையான வாள் மற்றும் இதர பொருட்களுக்கு கடும் பற்றாக்குறை. ( ஒரு மாவட்டத்தில் உள்ள மொத்த மரத்தையுமே அப்புற படுத்த வேண்டும் ) என் உறவினர் ஒருவர் ENGG. பொருட்கள் விற்கும் கடை வைத்துள்ளார். அவர் கடையில் மட்டுமே மரம் அறுக்கும் இயந்திரம் சுமார் 1000 விற்றதாம இந்த ஒரு வாரத்தில்.

இன்னும் நிறைய சொல்லிக்கொண்டே போகலாம். சொல்ல சொல்ல சோகம் தீராது. அடுத்த விஷயத்துக்கு செல்வோம். இத்தனை நாட்கள் ஆகியும் மின்சாரம் வரவில்லை, நிவாரணம் தரவில்லை, இதுதான் தற்போதைக்கு பெரிய பேச்சு....

மின்சாரத்தை பொருத்தவரை நான் சிதம்பரத்தில் பக்கத்தில் இருந்து
பார்த்ததில் தெரிந்துகொண்டது . ஒரு நகருக்கே புதிதாக மின்சாரம் தர ஏற்பாடு செய்யவேண்டும்.  அதற்கு வேண்டிய தளவாட சாமான்கள் அனைத்தும் திடீர் என்று வானத்தில் இருந்து குதித்துவிடுமா?. எதிர்பாராத புயல் பாதிப்பு கைவசம் இருப்பு எவ்வளவு இருக்கும்?. தேவைகள் கணக்கிட முடியாதவை. வேலை செய்ய செய்ய தான் தெரியவரும்...

மின்வாரிய ஊழியர்கள் எவ்வளவு தான் தினமும் கடுமையான வேலை செய்வார்கள்? ஒரு நாள் இரண்டு நாள் என்றால் பரவாஇல்லை தொடர்ச்சியாக. ஒரு நாளைக்கு எத்தனை வாட்டி போஸ்ட் ஏறவேண்டும் தெரியுமா? எவ்வளவு பிட்டிங்க்ஸ் முடுக்கவேண்டும். சொல்லுவது எளிது கண் கூடாக பார்த்தால் தான் தெரியும்....

அவர்களும் முடிந்த அளவுக்கு விரைவாக வேலை செய்து கொண்டு தான் இருக்கிறார்கள். மின் இணைப்பு முதலில் எளிதாக கொடுக்க முடிந்த இடத்திற்கு கொடுக்கிறார்கள். மின்மாற்றி, போஸ்ட், வேண்டும் என்கிற இடத்திற்கு சற்று தாமதம் ஆகிறது. புதிதாக மின் இணைப்பு கொடுப்பது எளிது...ஆனால் பழுது பார்ப்பது என்பது . ( அதுவும் முழு மாவட்டத்திற்கு என்பது ) மிக மிக மிக கடினமான செயல் . பழைய போஸ்ட்டை பள்ளம தோண்டி எடுக்கணும். பிறகு புதிய போஸ்ட் நடணும் பிறகு கம்பி இழுக்கணும். மற்ற தேவையான பிட்டிங்க்ஸ் மாட்டனும். வீடுகளுக்கு மின் வயர் இணைப்பை சரி பார்க்கணும். ஒரு மாவட்டம் முழுவதும் இப்படி பட்ட
வேலை. தினமும் எவ்வளவு ஆயாசமாக இருக்கும் ? .

அடுத்து நிவாரணம் ....

நிவாரணத்தை பொருத்தவரை வீடுகள், பயிர்களுக்கு தரவேண்டும் ...

இழப்பீடு கணக்கிடபடவேண்டும், நிதி ஒதுக்கவேண்டும். இப்படி நிறைய
வழிமுறைகள் இருக்கின்றன...உடனே பணம் வேண்டும் என்று எல்லா இடத்திலும் மறியல், முற்றுகை நடக்கிறது ....

இந்த பணத்தை வாங்கி கொண்டு உடனே சொந்த வீடு,,விவசாய வேலை பார்த்துவிடுவார்களா ?அட போங்கப்பா .உடனே டாஸ்மாக் போகணும். 
சொந்த உழைப்பில் வராத காசை கவலை இல்லாமல் செலவு பண்ணனும். இது தான் டார்கெட். 

ஒரு சிலர் விதிவிலக்கு உண்டு . அதுக்காக எல்லாரையும் குறை சொல்ல வில்லை. அரசை முழுவதுமாக சப்போர்ட் பண்ணவும் இல்லை .

இனி அதை பத்தி பார்ப்போம் ....

இந்த மாதிரி பேரிடர் காலங்களில்உடனே என்ன செய்யவேண்டும் என்று அதிகாரிகளுக்கு தெரிந்திருந்தாலும்,,உடனே களம் இறங்கவில்லை. அனைத்து துறை அதிகாரிகளும் ஏதோ ஒரு உத்தரவுக்கு காத்திருந்தார்கள். தன்னிச்சையாக முடிவெடுக்கும் அதிகாரம் இருந்தும் யாரோ யாருக்கோ உத்தரவு தரும் வரை பொறுத்திருந்தார்கள். அல்லது அப்படி வேஷம் கட்டினார்கள்.

இந்த மாதிரியான நேரங்களில் உணவு மற்றும் குடிநீர். இதுதான் அதி அதி அதி அதி முக்கியமானது. இங்கேதான் அரசு சார்பில் கோட்டை விடப்பட்டது. மின்சாரம் இல்லாததால் குடி நீர் ஏற்றும் மோட்டார்கள் இயக்க முடியவில்லை. வெளி மாவட்டத்தில் இருந்து லாரிகள் முலம் வினியோகம் செய்யப்பட்டது.  ஏறக்குறைய 300 கி.மி தூரத்தில் இருந்து எடுத்து வர பட்டது. எவ்வளவு கூட்டம். தண்ணீர் பிடிக்க அடிதடி எவ்வளவு செலவு கணக்கிட்டால் எங்கேயோ போகும். இதற்கு பேசாமல் ஜனரேட்டேர் வாடகைக்கு எடுத்து OVERTANK-க்கு தண்ணி ஏற்றி விட்டால் அந்தந்த வீடுகளில் தண்ணீர் பிடித்துக்கொள்வார்கள்.சண்டை சச்சரவு இருந்திருக்காது. இயற்கை உபாதைகளுக்கு தண்ணீர் இல்லாமல் பெண்கள் பட்ட கஷ்டம் சொல்லி மாளாது. 

இதுக்கு பிறகு தான் உணவு.உணவு விஷயத்தில் பெரிதாக ஒண்ணும் சொல்லுவதற்கு இல்லை. அரசு சார்பில் உணவு வழங்கப்பட்டாலும். குடிநீர் கிடைத்திருந்தால் மக்களே  சமைத்து சாப்பிட்டிருப்பர்கள். செல்போன், தொலைக்காட்சி பிரச்சனை தான் அடுத்து.

( அதுவும் இந்த சீரியல் பிரச்சனை இருக்கு பாருங்க. நம்ம மக்கள் அண்டை நாட்டோடு சண்டை என்றால் கூட சாதரணமாக எடுத்துக்கொள்வார்கள். ஆனால் இந்த சீரியல் விஷயம் தெரியவில்லை என்றால் நடக்கும் பாருங்க மனப்போராட்டம் ....சொல்லி மாளாது )

ஐயா சாமிகளே...இந்த சொகுசு சார்ந்த விஷயங்கள் எல்லாம் எப்போதிருந்து வந்தது ????.ஆதி காலத்தில் இருந்தா ???

இவை எல்லாம் இடையில் வந்தது ...இவை இல்லாமல் நாம் பெற்றோர்கள் வாழவில்லையா? அந்த அளவுக்கு சுகமாக வாழ்ந்து கொண்டிருப்பதால். இவை இல்லாமல் இருக்க முடியவில்லை.இது தான் நிஜம் . அதற்காகதான் இவ்வளவு புலம்பல்.

இன்னும் நிறைய இருக்கிறது. பேச,எழுத. அப்படியே பேசினாலும், எழுதினாலும், இது தீராது நீண்டு கொண்டேதான் இருக்கும். பதிவின் நீளம் கருதி இத்துடன் முடிக்கிறேன்...

எங்களை, நம்மை மீண்டும் கற்காலத்திற்கு கொண்டு சென்ற தானே புயலுக்கு
நன்றி சொல்லுவோம். இந்த மாதிரி பேரிடர் காலங்களில் அரசை சார்ந்திராமல் எப்படி சமாளிப்பது என்று நம் சந்ததியினருக்கு கற்று தருவோம்.

இந்த பதிவு எந்தவித கருத்தோ, குறையோ கூற இல்லை. ஜஸ்ட் உண்மை நிலவரத்தை எந்த வித கலப்பும் இல்லாமல். உண்மையாக சொல்ல தோணியது சொன்னேன். எனக்கு நேற்றுதான் மின்சாரம் வந்தது. 

பின் குறிப்பு 1 :- நீங்கள் மிக மோசமான துர்நாற்றம் அடங்கிய காற்று பிரிதலை உங்கள் அனுபவத்தில் முகர்ந்து இருப்பீர்கள்...அதை சற்றே நினைவு கூறவும். அதிக பட்சம் 20 நொடி உங்களால் தாங்க முடியும்....

அதே போல் பல துர்நாற்றம் கலந்து உள்ள காற்றை 24*7*365 நாட்களும் கடலூர் சிப்காட்--ஐ சுற்றி உள்ள கிராமமக்கள் சுவாசித்து வாழ்கிறார்கள். மிக மோசமான. இந்த துர்நாற்றம் தற்சமயம் ( புயலால் ) இல்லை. மின்சாரம் தடைபட்டதால்.சிப்காட்டில் உள்ள ரசாயனம் உற்பத்தி செயும் தொழிற்சாலைகள் இயங்கவில்லை.

சிப்காட்டை சுற்றி உள்ள கிராம மக்கள் நல்ல காற்றை தற்காலிகமாக சுவாசித்து வருகிறார்கள்.... இந்த கொடுமையை எந்த கணக்கில் சேர்ப்பது?

பின் குறிப்பு 2 :- இந்த பதிவில் கடலூர் மாவட்டம் என்பது சிதம்பரத்தையும்
உள்ளடக்கியது.

அனைவருக்கும்


இனிய புத்தாண்டு வாழ்த்துக்கள் மற்றும் இனிய பொங்கல் தின சிறப்பு வாழ்த்துக்கள்.....