காதல் கல்வெட்டு எழுத்துக்கள்....திடங்கொண்டு போராடு – காதல் கடிதம் பரிசுப் போட்டி

வணக்கம் அன்பர்களே.....!!!

நமது--திடங்கொண்டு போராடு – காதல் கடிதம் பரிசுப் போட்டி---ஒன்றை அறிவித்திருந்தார்...ஏதோ ஒரு "ஊதுபத்தி வாசனை"" மயக்கும் நேரத்தில் நானும் கலந்து கொள்கிறேன் என்று அறிவித்துவிட்டேன்...கடைசி தேதியும் நெருங்கிவிட்டது.... நாளை முதல் அலுவலகம்...என்ன செய்யலாம் என்று...கடுமையாக யோசித்த!!?? போது......ஏன் என் தங்கமணிக்கு நான் முன்பு எழுதிய கவிதை என்னும் பேரில் கிறுக்கிய மன உற்சாகங்களை...இங்கே
கொட்ட கூடாது என்று எரிமலை வெடித்தது.....இனி... உங்கள் பாடு...நடுவர்கள் பாடு....(இப்ப இவைகள் மிக அதர பழையதாக தோன்றினாலும்,,மற்றவர்கள் இதே மாதிரி எழுதி நீங்கள் படித்திருந்தாலும்...என் தங்கமணிக்கு நான் எழுதியது காதல் கல்வெட்டுக்கல்தான்...).....ரோம்ப ஓட்டாதீங்கப்பா...சேகர் வில் டை...

இந்த கிறுக்கல்கள் 01/01/1991 முதல் எழுதியது.....இனி போட்டிக்கான பதிவு....
------------------------------------------------------------------------------------------------------------

மனதில்
முழுவதும் 
நீ...பூக்களாய்
முத்துக்களாய்
 நிலவாய்....நீ..

சிரிக்கும் 
வெள்ளி
குலுங்கும்
பவழம்..
மயக்கும்
மயில்
மங்கை..நீ...
மனதில்
முழுவதும்...
முழுவதும்..,,நீயே....

அழகின் சிரிப்பு....அழகு 
அழகாக 
அடிமனதில் 
அலகு-சிறகடிக்க
 மகிழ்சியின் உச்சம்...
அலைகடலின்
 உற்சாகம்...

வண்ணதாமரை...
அழகு நல்லாள் ..நீ...
என் நினைவு முழுவதும்...
நீ...நீ...நீ...நீயே.........................................................................................................................7/1/91

விரலின் மீட்டலில்
வீணையின் ராகம்.....
அன்பு தழுவல்களில்
பூவின் மென்மை.....

முத்த ஒத்தடங்களில்
பூவின் சிறகடிப்பு...

கொஞ்சும் பேச்சுக்களில்
கிளியின் குரல் இனிமை....

கண்களின் அசைவு...
புறாக்களின் சிறகடிப்பு...

அன்பே....
நானோ உன்னை சுற்றும்....
வண்டானேன்...வண்டானேன்...

மலரனையில்..
மஞ்சம் கொண்டு...
மஞ்சள் மங்கை...நீ...
மயக்கினாய்.....

கோவை இதழ்களில்
அமுதுன்ன வந்த என்னை....
நீ....?????!!!!!!!

என் இதயம் முழுவதும்...
உன்னை நீயே ......
செதுக்கிகொண்டாய்.........................................................................................................7/1/91

என் உயிரின் ஒளியே...
பொங்கிவரும் அலைகளாய்...
நம் காதலின் நினைவுகள்...

என் மூச்சில் புதுமணம்...
ஆம்...கண்ணே...நான் உன்னை....
உன் பேரை மட்டுமே
சுவாசிக்கிறேன்................................................................................................................8/1/91

சிலந்தி வலைபோல்
நம் காதலின்....
மெல்லிய உணர்வு
இழைகள்.....
மனித நேயத்தின்.....
அன்பான வலையில் அன்பே
நான் உன்னில் முழுகுகிறேன்.....என்றென்றும்..............................................23/1/91

அன்பே
மாலை நேரத்து வானம் கூட
மஞ்சள் ஒளியில் இருந்து வேறுபடலாம்...
ஆனால்
நீயும் நானும் வேறல்ல.....உன் சுவாசம்....

அன்பே...
பாலைவனம் கூட தன் தன்மையில்
வேறுபட்டு சோலைவனம்  ஆகலாம்...
ஆனால்
நீயும் நானும் வேறல்ல......உன் சுவாசம்.......

அன்பே....
சுட்டெரிக்கும் சூரியன் கூட 
நிலவாக மாறலாம் 
ஆனால்
நீயும் நானும் வேறல்ல......உன் சுவாசம்.......
அன்பே 
நம் இதயத்துடிப்பின்
நேரம் கூட மாறி மாறி ஒலிக்கலாம்...
நீயும் நானும் வேறல்ல......உன் சுவாசம்.................................................................1/3/91

நான் என்னை என்னவென்று சொல்வேனடி....????

என் இதயமோ உன்னை மட்டும்-துடிக்க.....
என் கண்களோ உன்னை தன்னுள் கொண்டுவர....
என் செவிகளோ உன் குயிலின் குரலை-நினைக்க...
என் நாசியோ உன் இனிய மனத்தை-நுகர.....
என் இதழ்களோ உன் குவிந்த அதரத்தை தேட....
என் நினைவுகளே-நீயாகி போனதினால்
நான் என்னை மறந்தேன்...நான் என்னை என்னவென்று சொல்வேனடி.???18/4/91


என்
நிலவவள்
வானவீதியில்
அன்னநடை
நடப்பாளே........
மல்லிகை பூக்களை
நட்சத்திரங்களாக...
இறைத்து...!!!!........................................................................................................................19/4/91

காலை முதல் விதவையாய் இருந்த
சூரியன்--மாலையில் சுமங்கலி ஆனாள்...
பிறை சூடி, பூவிட்டு,பொட்டிட்ட
மணவாளன் யாரோ....???
மனதை மயக்கும் மலை சிகரங்களோ
அன்று--இரவோ--மணவாளன் ஆனது....???

அல்ல.....

என்னவளின் மதி(முக) அழகு கண்டாள் ....
பொறாமைபட்டாள்--வெட்கத்துடன்--முகம்
சிவந்தாளே இந்த தங்க வெள்ளியழகி....!!!!...............................................................19/4/91

@@@@@@@@@@@@@@@@@@@@@@@@@@@@@@@@@@@@@@@@@@@  

போட்டிக்கான பதிவு முடிந்தது....இன்னும் இருக்கு.......வேண்டாம்...உங்க உயிர் மேல எனக்கு அக்கறை இருக்கு....!!!!

மக்களே....அன்பு நண்பர்களே....இது வரை மொக்கை போட்ட என்னை பழி வாங்கினால்...தற்சமயம் எழுத நினைத்திருக்கும் கவிதைகள் இனி வெளி இடப்படும் என்று எச்சரிக்கிறேன்...

என் செல்லத்துக்கு நான் எழுத நினைத்த காதல் கடிதம்.....!!!.....மொக்கை பதிவுக்கு இங்கு செல்லவும் 

நண்பர்களே...கொஞ்சம் சிரமம் பாராமல்...திரட்டிகளில் இணைத்துவிடவும்...
எனக்கு username,,pw....மறந்துவிட்டது...